برنامجي الإنتخـــــابي“هنغير يعني هنغير”
محمد محى الدين شرف الدين
صاحب شركه دار القراءه للطبع والنشر والتوزيع
الدائرة الثانية مرشح مجلس الشعب
بولاق / طالبية / عمرانية
رمز الجيتار – فئات مستقل
عندى اصرار وتحدى وأفكار أقدر أقاتل وأحققها ونغير كل القوانين التى اسسها (النظام القديم الذي كان يقوم على الفساد والرشوه)
→ وعد : في حالة نجاحي وعدم تحقيق هدف رفع الحصانة سوف أقوم بتقديم استقالتي من المجلس ←
هناك ثلاث محاور مهمين
المحور الأول محاربة الفساد بطريقه عمليه وجاده
المحور الثانى العمل وبكل قوه واصرار وعزيمه للنهوض باقتصاد بلدنا وتفعيل كل افكار العلماء المصريين وانشاء لجان لسرعة التنفيذ- ارجاع الامن والامان لمصر-
المحور الثالث الأخذ بأيدى كل الفقراء من خلال (اعطاء مرتب لكل فرد محتاج وفقير من ميزانيه الدوله) أسوة ببعض الدول العربيه والأجنبيه فيجب الاسراع لكى يلمس المواطن الفقير حل واقعى يحييه من جديد
(المحور الاول— الفساد)
كيف نقضي على الفساد
الخطوه الاولى رفع الحصانه عن عضو مجلس الشعب وكل الأمتيازات القديمه مثل التعيين فى الشركات والشرطه وخلافه واخذ رشوه لتنفيذ ذلك –
الهدف : قد نطهر مجلس الشعب من بعض الاعضاء المفسدين لانهم سوف يتراجعوا حين يروا ان لااستفاده شخصيه من موقعهم فنحن نريد من يضع وقته وجهده دون مقابل ويكفيه شرف تمثيل شعبه ان اراد ان يكون من ضمن شرفاء الثورة فيجب ان يكون عضو مجلس الشعب قدوه فلماذا نعطيه ادوات الفساد بأيدينا
الخطوه الثانيه
1 -عرض ميزانية الدوله على الشعب بكل تفاصيلها ليرى كل فرد كيف توزيع الميزانية ولمن؟ ويكون الشعب رقيب عليها
الهدف : كل التلاعب الذى كان يتم فى الميزانيه سوف ينتهى لان كل مسئول يقر ميزانية وزارته سوف يتحرى الدقه لان الشعب سوف يرى كل بند وبهذا سنجد زياده فى الميزانيه
ومن ضمن البنود الاستفزازية التى كانت موضوعة من قبل ميزانية بدل الولاء التى توزع فى معظم الوزارات- وميزانيه لضيافة رئاسة الجمهوريه- والمرتبات المليونيه لبعض المستشارين
2- رفع راتب المعلم ( وذلك قد يعطى حافز لبعض المعلمين للابتعاد عن الدروس الخصوصيه لانهم كانوا مضطرين سابقا لراتبهم الذى لايناسب معيشتهم)
الخطوه الثالثه
سنراجع كل القوانين المرتبطه بعلاقه المواطن مع الحى والمحافظة لتذليل كل العقبات ودفع عجلة الانتاج وقطع طريق الرشاوى. كيف؟
النظام القديم وضع قوانين لتفشى الفساد بين كل طبقات الشعب ومن ضمن هذه القوانين
صعوبة ترخيص المحلات والكافيهات والافران وباقى الانشطه نسن قانون لسهولة الترخيص بسهوله ويسر بمقابل مادى مما يزيد الميزانيه ونزيد من مرتبات موظفى الحى
الهدف: قطع طريق الرشوه عمليا لان بعد الترخيص لايوجد سبب لطلب الرشوه- تحويل مصدر الرزق لبعض الموظفين من الحرام الى الحلال
– فتح باب العمل دون مضايقات لاصحاب المهن للعمل الجاد مما يتيح فرص عمل
– اعاده تنظيم خطة العمل فى المجلس المحلى لتكريس جهود العاملين وانجاز جميع الخدمات الواجب تنفيذها للمواطنين .. كيف؟
– نضع لكل منطقه خريطه ونعطيها لافراد والنزول فى الشارع لتسجيل الاتى: ( عمود نور بسلك مكشوف – بلاعه مفتوح – حفر ومطبات – مجارى- زباله ) ونعطيها للمهندس المختص للتنفيذ
ويتم ذلك اسبوعيا فهل نجد شوارعنا سيئه؟
الخطوه الرابعة :
إنشاء وزارة رقابية .. كيف؟
اختيار اشخاص يمتازوا بالسمعه الطيبه والخلق الحميد ثم نعلن فى التليفزيون عن ان هناك اشخاص مدنيون ..يراقبون جميع الخدمات بين المواطنين والجهات الحكوميه
فمثلا واحد من هؤلاء يركب سيارته وحين يتعرض لطلب رشوه من شخص معين يتم تحويله للتحقيق والمحاكمه
ويتم عرض هذه الواقعه فى الجرائد وكل مانجد حاله جديده فى مستشفى او حى او محافظه اوقسم او جهه حكوميه يتم اذاعتها
فبذلك يخشى الجميع ان يطلب رشوه لعدم علمه ان كان هذا الشخص من الوزاره الرقابيه ام شخص عادى
(المحور الثاني – النهوض بالإقتصاد)
– استخدام الموارد
– استكمال المشروعات التى توقفت
– اعفاء ضريبة الأرباح على الشركات الانتاجيه لمده محدوده لأعادة الاستثمار وايجاد فرص جديدة للعمل
– زيادة ميزانية التعليم اسوه بكوريا الجنوبيه التى اعطت 80%من ميزانية الدوله للتعليم لمده 11سنه-
و تغيير كل مناهج التعليم كلنا نعلم من الغفير الى الوزير ان مناهجنا فاشله لاتؤدى الى نتيجه او علم حقيقى كيف نغير منهج التعليم ؟ اتمنى ان يقف التعليم سنه وتكلف لجنه من المتخصصين لاعادة المناهج وتواكبها مع العالم المتحضر
ويبدأ اختيار الطالب من الصف الرابع الابتدائى تخصصه بعد ان يرى على فترات مع المعلم على شاشة عرض
ماهو الظابط والمهندس والدكتور والعالم والمخترع فتبدء تتبلور فكرةعما يريد ان يكون
ثم نعطيه منهج مركز فى هذا التخصص مع مواكبة ماتوصل له العلم على فترات فى هذا التخصص حتى يتخرج من الجامعه فهل نجد مثل هذا الشخص لايجد عمل او يعمل شى غير تخصصه؟ مستحيل..
زياده ميزانية البحث العلمى- تفعيل كل افكار العلماء والباحثين والتوجه الى البدء السريع فى تنفيذها مما يؤدى الى زيادة الانتاج
– كيف نرجع الامن والامان لمصر ؟
يجب تطهير صف امناء الشرطه واعادة تقييمهم لان بعض امناء الشرطه هم الاداه المنفذه للمخربين وهم همزة الوصل بينهم وبين المجرمين وهم يعلموا جيدا اماكنهم جيدا ولكنهم ينتظرون الشفره للتنفيذ
ولكن ماهو الثمن للشفره ذلك الذى لايعلمه احد حتى الان والايام القادمه سوف تكشف لنا هذا- يجب بعض التطهير زيادة مرتب الامناء الشرفاء لعدم تعرضهم للضغط فى تلقى الرشوه-
(المحور الثالث – مساعدة الفقراء)
يجب علينا ان نعلم انه ليس لدينا وقت للتاخير فى مساعدة الفقراء ويجب ان نعكس مثلث النظام القديم الذى كان ياخذ من الميزانيه اموال تحت بنود يقروها لراس المثلث اما الفقير فكان نصيبه ان يسمع كلمه ( الا محدود الدخل من كل المسئولين ) ويتلقى كل السالبيات مثل قطع الكهرباء عليهم فقط دون الاغنياء لترشيد الاستهلاك فكانت هناك خريطه فى وزارة الكهرباء لمنع قطع النور عن هؤلاء المسئولين الكبار.
ان الفقراء لن ينتظروا خطط طويله للانتاج والاصلاح يجب البدء بهم حتى لو استدنا لتستقيم الامور فكل يوم نسمع خسائر بالمليارات فلنتحرك وناخذ جذء من هذه المليارات والبدء فورا.
كيف ناتى بميزانيه لمساعدتهم ؟
– رفع الدعم عن بنزين92/95
– تدعيم النقل البحرى المصرى وذلك بالصيانة وزيادة الخدمات مما يؤدى الى مضاعفة الموارد الى عشرة اضعاف
– فرض ضريبة الثروة على الاثرياء كما يتم فى بعض الدول الاوروبيه وامريكا
– نقترح اخذ نصف قيمة الضريبه السنويه من كبرى السوبر ماركت كوبونات وتوزيعها للفقراء وهذا يفيد السوبر ماركت ويساعد الفقراء وينعش الأقتصاد
– استثمار نقود التأمينات لزيادة العائد للمواطنين لأن هذه النقود تخص الشعب ولا تخص الحكومة التى استولت عليها-
رجاء : ان كان هناك مرشح لديه القدره على تحقيق ذلك أو أكثر فحق عليك أن تنتخبه
البرنامج رائع بس اكتر حاجة تريدها قبل كل شيى التعليم لانة هو الاثاث لتعديل كل الاشياء التى تريدها فى برنامجج لان النظافة والتكنولوجيا والتطوير قائمين على ثقافة الشعب لان معظم الناس يلقون بالقمامة فى العلن امام المنازل والمساجد دون خجل لما يفعلون فالتعليم اول خطوة ربنا يوفقك
نقاط مهمه برنامج جميل واتمنى لك التوفيق ابو نور من احسن الى احسن تحياتي والله يحمي بلدنا التاني مصر ويبعد عنها كل شر وكل عدو
اللهم إنك تعلم أننا ما أيدناه ودعمناه بأنفسنا ووقتنا ابتغاء مصلحة شخصية ولا سمعة ولا رياء ولا نعرة جاهلية أو تعصب .. إنما أيدناه ظناً منا أنه الأصلح والأقرب إلى ما يرضيك .. فلا تخيب ظننا فيه, ولا تخيب رجاءنا فيك, وأيده بالحق, وعلى الحق, وأصلحه , وأصلح به , وأعنه على ما وكل إليه, وأعنا علي الخير كلنا .. وأذن لهذه الأمة بأمر رشد, وأغفر لنا ما قصرنا وما أخطأنا فيه .. وارزقنا اللهم الفهم والإخلاص والعمل القويم وأرنا الحق حقا وارزقنا إتباعه وارنا الباطل باطلا وارزقنا اجتنابه
البرنامج جميل بس ياريت اهم حاجة رفع الحصانة الى بتقول عليها لأنها اهم اسباب الفساد والرشاوي وياريت تكون مستقل لا تنتمى لأى حذب وربنا معاك
برنامج جميل ومحترم فعلا وحلم كل مصرى وليس فى محافظة الجيزة فقط لكن ارجو منك ان تنزل الى حوارى بولاق وشوارعها الجانبية مثل شارع ترعة زنين والطابق وشارع ناهيا المغضوب عليه لترى الكميات الهائلة من القمامة التى اتحفنا المخلوع بعمل لجنة لبحث تلك المشكلة العويصة ولم تحل حتى الان لترى اباطرة الميكروباص والتوك توك وهم يستحلون الشارع بعكس الاتجاه ولا رادع لهم ليس منذ الثورة وحالة الانفلات ولكن قبل ذلك بكثير وامام اعين مرتشى الداخلية الذين كانوا يقفون فى اول شارع ناهيا – بالاضافة الى ازمة انابيب البوتاجاز التى وصل سهرها الى 35 جنيه فى السوق السوداء مع العلم ان الغاز الطبيعى وصل الى اكثر من 50% من سكان المعمورة!!!! هذه على سبيل المثال وليس الحصر بعض مشاكلنا فى اقذر حى فى العالم.
برنامج جميل وحمل ثقيل ولكن انت لها باذن الله توكل على الله ونحن معك ومع كل مسلم شريف يريد تطهير البلد من الرشاوى والمحسوبيات والاهم من ذلك اولا رجوع الامن والامان للاسرة المصرية فانا من الناس التى تم سرقة سياراتهم منذ 6 اشهر وبحثت عنها كثيرا بدون جدوى وهناك الاف السيارات مسروقة والشرطة تقدر ترجع على الاقل 70% منهم ولكن لاتريد ذلك لتأديبنا ولعدم تعرضهم للخطر ويمكن بعضهم وراء هذه السرقات والله اعلم يارب ننعم بالامن والامان مرة اخرى ونأمن على اولادنا ونساءنا وممتلكاتنا – اللهم امين
احمد كمال – دائرة بولاق الدكرور – طالبية فيصل
برنامج جميل لكن نفسي نأخذ التجريه الصينيه الذي رفعت إقتصادهم بسبب تطورهم في مجال الصناعة خاصة إن الصناعة ستحل مشكلة البطاله فنريد جلب خبراء صينيون يقيمون مصانع في مصر ..للماكينات حتى لا نضطر لإستيرادها من الصين … ومجال الموبايل و الأجهزه نفسي أشوف أجهزه ألكترونيه و ماكينات مكتوب عليها صنع في مصر وتكون بكفاءة الصين وغيره من البلدان التي تفوقت في مجال الصناعه ..أنا رأيي إن الصناعه حاترفع مصر إقتصاديا بشكل كبيييير حدا ويجب الإهتمام بمجال الإختراع ..وتكوين طفل مخترع وتنمية الفكر الإبتكاري و الإختراع في المدارس حتى لو جلبنا مدرسين من الخارج لعمل هذه المناهج حتى نتطور مثل الصين …أرجو الإهتمام بذلك لإن هذا سيحل مشكلة البطاله و المشكلة الإقتصادية و الفقر ..وأرجو أيضا الإهتمام بأطفال الشوارع لإنهم سيكونوا مجرمين و بلطجية المستقبل واستخدام طاقاتهم وذكائهم في مجال إنتاجي حرفي صناعي ..وياريت برضه أعرف إنتماءك الحزبي ومجال دراستك
ده برنامج رئيس جمهوريه هل حتقدر تنفذ ده كله عموما طول مانت بعيد ادعن الجماعات الاسلاميه المتشسدده حنتخبك
على فكرة يا أستاذ محمد انت قريت افكارى فى بعض الحاجات اللى كنت فاقد الامل انها ممكن تتحقق بس ان شاء الله هتقدر تحقق ده كله وان شاء هتكسب
أنامع أحمد الغرباوى ياأستاذ محى ولازم ان تتمسك عند تحقيق احلامك واحلامنا لكى تفعل المزيد من اجلنا وبجد نفسى شارع الهرم يبقى منظم ويمشى بسرعة وبجد أنا رايت صورك ورايت اليوم سيارات كثيرة ف شارع الهرم وبنات وشباب يرتدون تيشرت ابيض………..بجد فكرة جديدة وحاجة حلوة اوى وربنا يوفقك بجد ياأستاذ محمد محى
ولقد قرات البرنامج ولدى تعليق على ملحوظة بانك استاذى الفاضل ( محمد محى الدين) سوف تستقيل من المجلس فى حالة عدم رفع الحصانة عن اعضاء المجلس .
لا
انت مرشح لمجلس الشعب لا لتستقيل فى حالة عدم تحقيق شىء معين ولكن لتحقيق مطالب ان ساعدوك فى ان تكون عضوا عنهم فى مجلس الشعب
اخى
يجب ان يكون لديك الاسرار لتحقيق ما هو افضل من الان
– هل من المعقول ان اسير اكثر من ساعة حتى اخرج من شارع فيصل ( المريوطية الى الجيزة )
– الزيادة المبالغ فيها من فبل سائقى الميكروباص
– عدم وجود سيارات من قبل المحافظة بشكل مستمر لازالة القمامة من الشوارع التى تقززنا كل يوم
– التوك توك وما ادراك ما التوك توك والذى عانى منه الكثير بسبب حوادث الخطف والاغتصاب
– زيادة اسعار المواد الغذائية الاساسية فى مقابل ثبات الرتبات
هناك الكثير من ما يجب ان تسعى لاجله من اجل اصلاح حالنا جميعا
وارجو لك التوفيق
برنامج جميل ارجو من الله ان يوفقك وان يكون حماسك لوجه الله وخدمة الناس وبرجاء اطلاعنا عن اتجاهك السياسي والحزبي
برنامج جميل لكن نفسي نأخذ التجريه الصينيه الذي رفعت إقتصادهم بسبب تطورهم في مجال الصناعة خاصة إن الصناعة ستحل مشكلة البطاله فنريد جلب خبراء صينيون يقيمون مصانع في مصر ..للماكينات حتى لا نضطر لإستيرادها من الصين … ومجال الموبايل و الأجهزه نفسي أشوف أجهزه ألكترونيه و ماكينات مكتوب عليها صنع في مصر وتكون بكفاءة الصين وغيره من البلدان التي تفوقت في مجال الصناعه ..أنا رأيي إن الصناعه حاترفع مصر إقتصاديا بشكل كبيييير حدا ويجب الإهتمام بمجال الإختراع ..وتكوين طفل مخترع وتنمية الفكر الإبتكاري و الإختراع في المدارس حتى لو جلبنا مدرسين من الخارج لعمل هذه المناهج حتى نتطور مثل الصين …أرجو الإهتمام بذلك لإن هذا سيحل مشكلة البطاله و المشكلة الإقتصادية و الفقر ..وأرجو أيضا الإهتمام بأطفال الشوارع لإنهم سيكونوا مجرمين و بلطجية المستقبل واستخدام طاقاتهم وذكائهم في مجال إنتاجي حرفي صناعي ..وياريت برضه أعرف إنتماءك الحزبي ومجال دراستك
بجد برنامجك حلو اوى وكنت بحلم بنصف اللى حضرتك بتقولة ونفسى اللى ف مجلس الشعب يبقى منتمى لمصر باخلاص مش طمع ف السلطة وميعملش حاجة.ان شاء اللة هتنجح وانا اكيد هرشح حضرتك وانا واثقة ان كل واحد نفسة مصر تتغير بجد وكلام واحد ذيك يبقى اكيد هيرشحة…..أن شاء اللة تنجح وتحققلناكل اللى بنحلم بية
برنامج هايل بس ناقص نا دعاية فى شارع محمد الشريف ناهيا بولاق الدكرور حيث يوجد به مستشفى وعدد 2 جامع وعديد من المحلات ويجد لديا طلب وليس لدى فقط بل لدى كل اهالى الشارع وهو الحصول على امبوبة بوتجاز منذ شهر وربنا يوفقك
أصدقائي الأعزاء اشكركم على كل كلمه
بالنسبه لاتجاهى السياسي أنا لااجد حزب يعمل لمصلحة مصر
لكن أنا مثل اي فرد فى المجتمع متابع للأحداث وبيتحرق دمه من اللي بيشوفه
ووجدت نفسي الان اقدر أشارك في الحياه السياسيه ويعلم ربنا أني لو ماحققتش هدف رفع الحصانة
في حالة نجاحي سوف اترك المجلس ويشهد الله على مااقول ولتشهدوا انتم.
انا بادعوكم يوم الاحد عند كايرو مول الساعه ١١ معانا ١٠٠ شاب وفتاه ومعانا تي شيرت وكاب لكل واحد و١٥ سياره دعايه لتوزيع الفلاير وادعولنا يبقي يوم جميل
بجد برنامجك جميل بس ياريت ترفعوا ايديكم وعنيكم عن اى حاجة فيها دعم وبعدين ايه عرفك ان الرقابة دى اساسا مش هترتشى هى كمان وهتاخد رسوم على التراخيص بدل الرشوة والله هاياخدوالرسوم وبرده ها ياخدو رشوة الشعب كله عايز يتنسف مش النظام القديم فقط
انا بصراحه معرفش حضرتك شخصيا بس انتخابى لحضرتك هيكون على اساس برنامجك وياريت بجد يكون هدقك مصلحة مصر وخدمة شعبها وربنا يوفقك للخير وانا مع الناس اللى طلبت من حضرتك توضيح اتجاهك السياسى وارائك السياسيه وانتمائك لاى حزب
والله لو فعلا عاوز تنفذ كل ده او نصه او حتى ماعرفتش تنفذه فبجد ربنا يوفقك بس لو الكلام ده مش كلام دعاية قصدي بإخلاص
ان شاء الله ربنا معاك ويوفقك وقبل ماتكون بتعاهد الناس على تنفيذ هذا البرنامج .
تكون معاهد الله عز وجل على تنفيذك لهذا الكلام وان يتحول كلامك هذا الى فعل بقدر المستطاع لان فعلا مصر تحتاج لتنفيذ هذا الكلام وربنا يوفقك ويقويك لكى تكون اد هذه المسئوليه ومصر تفتخر بكل من يسعى بيها اللى التقدم .
برنامج رائع وجميل ومنطقى أتمنى من الله عز وجل أن يطبق وأرجو أن توضح اتجاهاتك السياسيه ولأى حزب تنتمى ؟
انا لسه جاي من شارع ضياء وشوفت بوستر الدعاية بتاع حضرتك الطبيعى جدا ان انا كنت هموت ضحك بس بجد شوفت البرنامج بتاع حضرتك قولت سبحان الله ده ميكتبش الكلام ده غير واحد خريج معهد كارينجي اومعهد رند برنامج انتخابي فوق الممتاز فعلا بدون مبالغة بس ياريت تتكلم عن نشاطك السياسي واهم انجازاتك على ارض الواقع وربنا يكرمك ان شاء الله بفكر اديك صوتى مش شايف حد عندو حماس غير وتفائل كل اللى فى الدايرة فوق السبعين سنة وانت طالعععع
برنامج ممتاز .. ارجو ان تضع في برنامجك تطهير وزارة الاوقاف من الفساد و تطهير قانون العمل بها من التعديلات و العودة للعمل بالقانون الذي وضعه المرحوم الدكتور السنهوري .. و اعادة تفعيل قانون تسليم الاوقاف الاهلية الي مستحقيها و ورثتها الشرعيين مع الغاء لجنة القسمة التابعة لوزارة الاوقاف التي تنظر امامها القضايا لعشرات السنين و يموت ورثة و يحيا ورثة من الجيل التالي و اتمني اعطائي الاي ميل خاصتك لاوضح لك الامور اكثر من هذا
انا مدرس مصرى مقيم فى السعودية ، برنامجك جميل ، لكن النهوض بالتعليم محتاج أشياء كثيرة جدا بالاضافة لما ذكرته ،وليس النهوض بالطالب فقط ولكن الطالب والمدرس والمنهج والبيئة المدرسية والادارة ونظام الامتحانات ، عندى أفكار جيدة لك ، أرجو التواصل لمعرفة برتامجك الانتخابى جيدا ومدى المقدرة على تحقيق كل ما فيه ، وشكرا
بجد برنامجك هايل…بس يا ريت يطبق بجد
ياريت توضح اتجاهك السياسي وانتمائك لاي حزب
حضرتك لبولاق الدكرور ( المساحة كمان يعني ؟؟ ) ارجو الرد
برنامج مرتب وكلام جميل ياريت التنفيذ
د – اسيا
اشكرك
بالنسبه لنقطة الفقراء مااريد ان اوضحه هو ان الفقير الذى يستحق هو مثلا سيده ومعها اطفال ليس لها عائد – بعض العجزه – امثله مثل هذه ولكن ليس للشباب
احمد جمال
اشكرك
انا والجميع دورنافى هذه اللجنه التاسيسيه هى مراجعة كل القوانين وتنقيتها لعمل دستور محترم سوى
زينب – وايمان – وصفاء – وشيماء -وهانى
شكرا لكم جميعا
انا شغلتى الاساسيه وهمى كله هايبقى الحى يعنى الزباله والبلاعات والطريق والاشغالات وكل مايخص الحى ولو استجابوا يبقى خير او نجيب غيرهم
مصطفى – انا غير منتمى لاى حزب سوى انى متابع للسياسه
تحيه لكم جميعا واشكركم على تعليقاتكم الجميله.
نهى – ودينا- وحياة الروح- وصفاء دياب – وحمدى
هاقولكم على مفتاح قبولكم على برنامجى
انا استخرت ربنا وقلت كل قرش هاصرفه فى الدعايه هاتكون بنيه الصدقه بينى وبين ربنا فى سبيل انى اقدر احقق اهم هدف وهو رفع الحصانه وده هايكشف كل الاعضاء الطامعين فى النظام القديم وبكده نقدرنطهر المجلس لانهم سينسحبوا لعدم استفادتهم كما توقعوا ويتبقى كل من يضحى بوقته ومجهوده من اجل مصر دون مقابل
واوعدكم ويشهد الله انى لو لم احقق هذاالهدف سوف انسحب واقدم استقالتى.
ومن فضلكم سجلوا هذا
انا بجد عجبنى البرنامج جدا ويمكن اول واحد اشوفه منظم كدة فى برنامجه ويمكن ده سبب تصديق الناس ليه بس انا كمان معترضة على سن رابعة ابتدائى كبداية للتخصص لانه سن صغير فعلا واتمنى من الله ومنك ان تعلم انك مرشح نفسك لتنفيذ البرنامج ده بجد مش علشان تبقى مجرد عضو من اعضاء مجلس الشعب واعلم انك المجلس ده جاى فى احلى وقت ان شاء الله تمر به مصر واحسن تجربة عملتها فيا ريت تبقى الصورة الجميلة دى على طول ومحد يفسدها من اى عضو من اعضاء مجلس الشعب واعلم ان توفيقك بالله ولو نجحت فمن فضله فقط مش حتى من فضل الشعب فلا تغتر بالكرسى ابدا فالذى اعطى الكرسى لك قادر على ان ياخذه منك
برنامجك كويس جدا يا استاذ محى بس نفسى اعرف حضرتك منتمى لاى حزب ده مهم جدا ونتمنى ان الى تضمنه برناتمجك يكون داخل فعلا فى حيز التنفيز لاننا شبعنا شعارات وكلام وبس نفسنا فعلا الى نختاره يكون هدفه وبس رخاء مصر وشعبها والنهوض ببلدنا لاعلى قمم التقدم واللازدهار يارب يكون كلامك صح بس عشان تكون هعارف ان اختارناك ونجحت مش هنسيبك لو خذلتنا واثبت ان برنامجك كان مجرد شعارات او حبر على ورق مش هنسيبك على الكرسى لاننا كمصريين فى 2011 مش احنا المصريين الى كنا قبل السنة دى اللجام الى كان على لسانا ولله الحمد فك مش هنسكت تانى على ظلم وصاحبه وبجد نتمنى انك فعلا تخدم كل مصرى لان ده الى انت فعلا دخلت المجلس عشانه مش لنفس اهداف الزبالة الى كانوا مستوليين على المجلس من قبل وبالتوفيق
ربنا يوفقك (افلح ان صدق)
آليات وأهداف كويسة و ممتازة وياريت يكون مش مجرد كلام يا أستاذ/ محمد
ونحب نعرف من حضرتك منتمى لأى حزب و خلفيات حضرتك فى العمل السياسى شكرا.
انا عجبنى برنامجك بس لو كان فى اهتمام بلمواصلات والنظافه العامه للشوارع والطرق هيبق مثالى جدا
في البداية أشكر حضرتك علي برنامجك المحترم والحماسي الذي جعلني أشعر بلمسة حماس شباب الثورة شباب التحرير لكني أود ان تظهر لنا السيرة الذاتية لشخصك وايضا دورك من ناحية اختيارك الي اللجنة التأسيسة لدستور مصر القادم ومقياسك لاختيار تلك اللجنة وكذا كيفية تنفيذ الخطوات المذكورة في تدعيم الفقراء. وشكرا
بالتوفيق
بالتوفيق انشاءالله ويارب يتم برنمجك بنجاح
ربنا يوفقك وجميل اوي فكرة وزارة رقابيه ربنا يعينك وتقدر تنفذ برنامجك بس ياريت كمان شارع ناهيا يكون في عين الاعتبار لانه شئ فوق الوصف بسبب الزحمه والباعه الجائلين وخصوصا التوكتوك اللي بيمشي عكس لو مطافي رايحه تطفي حريقه الحريقه هتطفي وتخلص والمطافي لسه موصلتش بسبب الزحمه وياريت كمان تشديد الرقابه ع المدارس فبولاق لان من ضمن اللي بعض المدرسين بيعلموه لولادنا الخوف والكدب وبعضهم يتناول الالفاظ الخارجه داخل الفصل ورجاء الاخذ بعين الاعتبار الشباب من ذوي الاحتياجات الخاصه وربنا يوفقك وانا وكل اللي اعرفهم باذن الله هننتخبك”نعم لمحمد محي الدين”
بكل الحب الى الاستاذ الفاضل / عبد الباسط محمد احمد حسن
بلتوفيق انشاء اللة
الله يوفقك فى كل اللى قولته بس يارب متخيب ظننا فيك واحسن حاجه اتكلمت عليها ان مرشح المجلس لا يتمتع بحصانه المجلس ويراقب من الشعب اتمنى تعمل كده لان احنا كل املنا اننا نعيش فى سلام اتمنى لك التوفيق
نفسى الجنية المصرى يبقى لة قيمة جمب العملات الاخرة كمان
كل الكلام جميل و يريت يتحقق
برنامجك رائع وأكثر من رائع لكن برنامجك ليه لم يضع موضوع تنظيف مصر من القمامة التي ملأتها وأصبحت سبب أساسي في تفشي الأمراض وعائق أساسي في المرور ربنا يوفقك وصوتي لا أعطيه لأحد أفضل منك
ربنا يوفقق و اتمني لك دوام التوفيق و بازن اللة تعالي ناجح
والله كلامك موفق يا اخى وانا ان شاء الله معاك … من دائرة الطالبية وفعلا فيه حاجات عايزة لجان تقدر ان تحث عليها الشباب فى فعلها وتنفيذها زيى المرور فى شارع ترسا … وياريت ترجع قانون المرور وانه ينفذ على اى شخص مهما كانت سلطته وتتكلم عنه. وياريت الناس تفهم ان فيه ناس زيك هتغير البلد وفعلا …. يجب ان تحذر من قول الشىء وعدم العمل به. لان ربنا رقيب عليك….
وان شاء الله …. ربنا يوفقك ويكرمك.
السلام عليكم ورحمة الله و بركاتة
حضرتك و باخصار اتكلمت في كل حاجة احنا عايزنها تحقق ( الفساد – العمل – التعليم – الضرائب – الكهرباء ..الي اخر ) وان شاء الله يوفقك و ياريت تكون بجد كلمتنا في المجلس و تحقق البرنامج الانتخابي تبعك لانه بجد كويس جدا وجدير بالاهتمام
;gربنا معاك ويوفقك لما فية الخير لابناء دائرتك وان كان برنامجك اللى انت عرضة مليان خطوات كتير مش عايز اقول صعب تحقيقة لانى متفاءل خير بأذن الله تعالى وعلى الله صلاح الامةر ربنا معاك 000
وفققالللة علي نصرة الحق
واللة كلام فوق الممتاز اما الاخ الذى عجبنى تعليقة بخصوص البائعين والتكتوك وسيارات الكنيسية ياااااااريت يكون فى رد عليها وباقى انا البرنامج الانتخابى الكلام حلو وسهل اتنمنا ان يكون فعلك مثل كلامك ربنا يوفق الجميع
سيدى العزيز
أرجو عرض السيرة الذاتية لك لكى نتعرف عليك أكثر
ربنا يوفقك ويوفقنا جميعا…يارب احمى مصر
بسم الله مشاء الله كلمك جميل جدا بس التنفيز انا معاك وهديلك صوتي انشاء الله ممكن تقالي مين من المرشحن العمال البرنامج بتاعو زيك كده الله اموفق
ربنا ىوفقك البرنامج جميل يارب يتحقق بصدق واجعل ربنا امامك فى كل خطوه
ان شاء الله ربنا يوفقك وتحقق كل اللى انت قولت عليه بس خد بالك ما يلفظ من قول إلا لديه رقيب عتيق .. هتتحاسب على كل كلمة قلتها ومعملتهاش ربنا معاك واحنا كمان معاك بولاق الكرور
ارجوا ان تكون النية صادقة وبقدر الصدق يكون التوفيق من الله البرنامج معظمة كويس الا في جزئية رواتب الفقراء فهذا تشجيع علي التنبلة والاجدي ان يأكلو ويتكسبوا رزقهم بعزة نفس يعني عن طريق العمل فهذا حقهم ولا تكون المساعدة الماديه الا في حاله العجزالتام عن الكسب … والله الموفق.
ربنا يوفقك لو انت جاد فى اللى طرحته علينا اكون اسعد الناس بيك وتستاهل كل اصوات المصرين الاحرار وان اولهم بل التوفيق ان شاء الله تعالى وان غدا لناظرهيه لقريب
عندي رؤية رائعة لتوزيع الدخل بدون اي تكلفة و كمان عندي رؤية لتنشيط السياحة و جعلها علي مستوي اسبانيا فانا خريجة تجارة خارجية و اعمل في مجال السياحة من 21 سنة ربنا يوفقك
ربنا يوفقك … كلامك جميل والبرنامج جميل ربنا يقدرك على تحقيقه ان شاء الله وتذكر .. ما يلفظ من قول إلا لديه رقيب عتيق .. هتتحاسب على كل كلمة قلتها وما نفذتهاش
وتذكر أكثر إن الكرسي لا يدوم ((كلهم رحلوا والكرسي باقي))
أتمنى لك التوفيق إذا كان هذا البرنامج ما تسعى لتحقيقه وأتمنى أن تعلن عن مقابلات مع الناس حتى يتوفر مناقشة مباشرة و تفاعل أكثر.
اللهم ولى أمورنا خيارنا ولا تولى أمورنا شرارنا.
احب ان احيك بخصوص برنامجك الانتخابي انه بغاية الروعة بس احب ان اذكرك من يتق الله يجعل له مخرجاالله ولي التوفيق وتحقق كل ماتصبو اليه بصالح البلدوالشعب
البرنامج كويس جدا ويارب بس تحققة بجد وانا هديلك صوتى وربنا يقدرك وتقدر تحقق البرنامج
ربنا معاك لتحقق ما تقولة
تستاهل صوتي
واوعدك احاول اقنع أهلي في مصر وزملائي في مصر وهنا بالكويت برضوا يصوتولك
بس اتمنى ان تتمسك بتنفيذ برنامجك والا تحيد عن الحق ، بالسابق ما كنا نصوت لاننا كنا عارفين صوتنا ماله قيمة ودي اول انتخابات نصوت فيها ونتمى انك ما تخزلناش ووياريت تفكر في أخوانك المغتربين اللي تعبوا ونفسهم يرجعوا إزاي تقدر توفر لهم حياة كريمة وتحمي مدخاراهم وتساعدهم على بداية جديدة في بلدهم
وتذكر أن خلفك من يحاسبك
والله الموفق للجميع
ربنا يوافق حزب المصرين الاحرار اذاكان دة برنمجة
انا أؤيدكم جميعا يا اخوان يا مسلمون
مشكله الانابيب ومشكله الحراميه ومشاكل النهب والنظافه وكتير وكتير اتمنى من الله لو تم اختيارك انك تقدر تحل المشاكل مش تحلها فتره لا مدى الحياه تحلها وتزيل الشوائب اللى عمله فينا كده بجد
لو هتقدر تعيشنا فى امان ده اولا وتحل مشكلنا بعزم واصرار وتخلينا متقبلين على الحياه بحب بجد وتخش وتحل مشاكلنا وتوفر لينا كل حاجه هيبقى خير وبركه وتكسب حب الناس ليك ولو هتبقى زى اللى قبلك عشان تحصل على الكرسى هتكسب كره الناس وفى نفش الوقت هتخلص الفتره وبعدها مش هتطولها تانى بجد ( العمرانيه )
ربنا يسطر على بلدنا
البرنامج عاجبنى ما عدا ان الطالب يختار تخصصه من سنة رابعة ابتدائى. السن ده صغير قوى. لسه ما فيش نضج كفاية لللاختيار
اهم حاجه بنعانى منها فى الطالبيهاللى بقت سوق والبياعين ملين الشوارع ومش عارفين حتى نمشى على رجلينا منهم ده حتى الرصيف اللى فى نص الشارع فيه ناس بتبيع ولا عندكوبرى ترسه واحد ناصب نصبه فى نص الشارع وبيبيع موبيليا والزباله مليه الدنيا هتقدر تعمل ايه مع الناس دول وتتعامل معاهم ازاى وعربيات الكنيسه اللى قرفتنا وعمله زى عربيات الترحيلات ولا التكاتك الى بتدوس على رجلينا نفسى الناس تبيع فى اكشاك نضيفه وماتفرش فى الشاره ده كل محل واحد عنده محل واخد من الشلرع 10 متر قلنا حل اعمل لجنه من الشباب فى الحى للمتابعه علشان كل حى اللى سكنين فيه يشاركو فى تنظيمه هاه فيه حل مع الناس والعشوائيه دى
السلام عليكم
أتمني لك التوفيق والنجاح انك رجل عظيم وعندك افكار جديده وجميله لمصر
أنا مصري وعايش حوالي ثلاثه عشر سنه في اوربا وحاليأ مقيم في اسبانيا
وأتمني من الله ان ارجع الي بلدي وأهلي ولزوجتي وابني في اسرع وقت
أنا اعمل في النظافه في الحي وعندي افكار كثيره لكي ننظف فيها بلادنا من القمامه
والروأح الكريهاالمعديه والتي تسبب لنا الامراض ولاطفالنا أنا ليس اطلب اي مساعدة من اي خص ولا منصب
بس امكانيات ومع أفكاري عندي استعداد لتحميل المسؤليه التامه لكي افعل شئ جميل لبلادنا
مع الشكر والنجاح سيد رأفت العوضي
من منطقه الزيتون
ربنا يوفقق